ಈ ಸಾಫ್ಟ್‌ವೇರ್ ಎಂಜಿನಿಯರ್‌ಗಳು ಎಲ್ಲದಕ್ಕೂ ಆತ್ಮಹತ್ಯೆ ಮಾಡ್ಕತಾವಲ್ಲ?

 
ಈ ಸಾಫ್ಟ್‌ವೇರ್ ಎಂಜಿನಿಯರ್‌ಗಳು ಎಲ್ಲದಕ್ಕೂ ಆತ್ಮಹತ್ಯೆ ಮಾಡ್ಕತಾವಲ್ಲ. ಕೆಲ್ಸ ಸಿಗ್ಲಿಲ್ಲ ಅಂತಾ, ಕೆಲ್ಸದಿಂದ ತೆಗೆದರು ಅಂತಾ, ಹೇಣ್ತಿ ಬೈತಾಳೆ ಅಂತಾ, ಗಂಡ ಬೈತಾನೆ ಅಂತಾ, ಸಂಸಾರ ನಡ್ಸಕ್ ಆಗ್ತಿಲ್ಲ ಅಂತಾ. ಸಧ್ಯಕ್ಕಿರೋ ಅಪ್‌ಡೇಟ್ – ಮದ್ವೆ ಆಗಿಲ್ಲ ಅಂತಾ..!
 Bng Techie Narasimhan Chakravarthy Suicide In Mysore

ಚಿತ್ರ ಕೃಪೆ: ದಟ್ಸ್‌ಕನ್ನಡ.ಕಾಂ

ಒಂದು ರೀತಿಯಲ್ಲಿ ದುರಂತ. ಇನ್ನೊಂದು ರೀತಿಯಲ್ಲಿ ತಮಾಷೆ. ಇನ್ನೂ ಒಂದು ರೀತಿಯಲ್ಲಿ ನೋಡಿದರೆ ಪ್ರತಿಷ್ಠೆಯ ಪರಮಾವಧಿಯ ಪ್ರತೀಕ. ಒಂದು ಕಿರಾಣಿ ಅಂಗಡಿ ಇದೆ ಅಂದುಕೊಳ್ಳಿ. ಅಲ್ಲಿ ಒಬ್ಬ ಹುಡುಗ ಕೆಲಸಕ್ಕೆ ಇರ್ತಾನೆ. ಸರಿಯಾಗಿ ಕೆಲಸ ಮಾಡಲ್ಲ ಅಂತಲೋ, ಸೋಮಾರಿ ಅಂತಲೋ, ಜಾಸ್ತಿ ಮಾತಾಡ್ತಾನೆ ಅಂತಲೋ, ಸಿಟ್ಟು ಜಾಸ್ತಿ ಇದೆ ಅಂತಲೋ ಅವನನ್ನ ಅಂಗಡಿಯಿಂದ ಬಿಡಿಸಿದರೆ ಏನ್ ಮಾಡ್ತಾನೆ? ಹೊಸ ಕೆಲಸ ಹುಡುಕ್ತಾನೆ. ಕಿರಾಣಿ ಅಂಗಡಿಯಲ್ಲೇ ಕೆಲಸ ಸಿಗುತ್ತದೆ ಅಂತಾ ವಿಶ್ವಾಸವನ್ನೇನೂ ಆತ ಹೊಂದುವುದಿಲ್ಲ. ಬದುಕಲಿಕ್ಕೆ ಒಂದು ಕೆಲಸ ಬೇಕು ಅಷ್ಟೇ. ಅದೇ ಸಾಫ್ಟ್‌ವೇರ್ ಎಂಜಿನಿಯರ್ ಒಬ್ಬನನ್ನ ಕೆಲಸದಿಂದ ತೆಗೆದುಹಾಕಿ ನೋಡಿ. ಅದ್ಯಾಕೆ ಅಷ್ಟು ಡಿಪ್ರೆಷನ್ ಗೆ ಒಳಗಾಗುತ್ತಾರೆ? ಇದು ಕೀಳರಿಮೆಯ ಪ್ರತೀಕವಲ್ಲವೇ? ಸಾಫ್ಟ್‌ವೇರ್ ಅನ್ನೋದು ಪ್ರತಿಷ್ಟೆಯನ್ನ ಸೃಷ್ಟಿಸಿದೆ ಅಲ್ಲವೇ? ಆ ಪ್ರತಿಷ್ಟೆ ಎಂಬ ವರ್ತುಲದಿಂದ ಹೊರ ಬರಲಿಕ್ಕೆ ಆಗದಷ್ಟು ಅದರಲ್ಲಿ ಹೂತು ಹೋಗಿದ್ದಾರೆ. ಜಾವಾ, ಸಿ++, ಸ್ಯಾಪ್, ಡಾಟ್ ನೆಟ್ ಅಥವಾ ಇನ್ಯಾವುದೋ ಪ್ಲಾಟ್‌ಫಾರಂ‌ನಲ್ಲಿ ಕೆಲಸ ಮಾಡುತ್ತಿದ್ದರೆ ಅದೇ ಕೆಲಸ ಹುಡುಕುತ್ತಾರೆ. ಓಪನಿಂಗ್ಸ್ ಇಲ್ಲಾ ಅಂದರೆ ನಿರಾಶರಾಗುತ್ತಾರೆ. ಅಮೇರಿಕಾ ಬೈಯುತ್ತಾರೆ. ಗ್ಲೋಬಲ್ ಎಕಾನಮಿ ಬೈಯುತ್ತಾರೆ. ಅಂಗಡಿಯಲ್ಲಿರುವ ಹುಡುಗ ಹೊಸ ಕೆಲಸಕ್ಕೆ ಸೇರಿದ. ಸಾಫ್ಟ್‌ವೇರ್ ಎಂಜಿನಿಯರು ನೇಣಿನ ಹಗ್ಗ ಸೇರಿದ..!

ಫೇಸ್ ಬುಕ್ಕಿನಲ್ಲಿ ಬರೆದ ಈ ಸ್ಟೇಟಸ್ ಬರಹಕ್ಕೆ ಬಂದ ಪ್ರತಿಕ್ರಿಯೆಗಳನ್ನ ಇಲ್ಲಿ ನೀಡಿದ್ದೇನೆ. ನಿಮಗೇನು ಅನ್ನಿಸುತ್ತದೆ?

  • Prabhu Raj Harakangi dudidiro duddige indu bele barode maduve anno javabdari bandamele.. hogli bidapaaa..
  • Arunkumar Davangere “Techie Savu” Idu ontara media dalli fashionable statement aagide……!
    • Rakesh Shetty “ಪ್ರತಿಷ್ಟೆ” ಅನ್ನುವುದಕ್ಕಿಂತ “ಮನಸ್ಥಿತಿ” ಅನ್ನಬಹುದೇನೋ? ನಮ್ಮಲ್ಲೂ ಉಳಿದ ಕೆಲಸಗಳಂತೆಯೇ ತರೇವಾರಿ ಜನಗಳಿದ್ದಾರೆ.ಆದರೆ ಮೀಡಿಯಾಗಳ ಅತಿರಂಜಿತ ವರದಿಗಳಿಂದ ಸಾಮಾನ್ಯ ಜನತೆಯ ದೃಷ್ಟಿಯಲ್ಲಿ ನಮ್ಮನ್ನು ಅನ್ಯಗ್ರಹದ ಜೀವಿಗಳ ರೀತಿ ಮಾಡಹೊರಟಿದ್ದಾರೆ ಅನ್ನಿಸುತ್ತೆ.
    • Prabhu Raj Harakangi Doller to Rupee conversion.. is the main reason.. vasudhendra book odri ganesh.. innoo bhala maja situation bardaraa..

ಕನ್ನಡ ಸಾಹಿತ್ಯ ಸಮ್ಮೇಳನದಲ್ಲಿ ಈ ತಾಂತ್ರಿಕ ಗೋಷ್ಠಿಗಳನ್ನ ಸೇರಿಸಿ.

ಗೆ : ಕನ್ನಡ ಸಾಹಿತ್ಯ ಪರಿಷತ್ತು ಅಧ್ಯಕ್ಷರಾದ ಪುಂಡಲೀಕ ಹಾಲಂಬಿಯವರು, ಕನ್ನಡ ಮತ್ತು ಸಂಸೃತಿ ಇಲಾಖೆ ಮತ್ತು ಕರ್ನಾಟಕ ರಾಜ್ಯ ಸರ್ಕಾರ.

ಫೆಬ್ರವರಿಯಲ್ಲಿ ನಡೆಯಲಿರುವ ಬಿಜಾಪುರ ಕನ್ನಡ ಸಾಹಿತ್ಯ ಸಮ್ಮೇಳನದಲ್ಲಿ ಈ ಕೆಳಕಂಡ ಕನ್ನಡ ತಾಂತ್ರಿಕ ಗೋಷ್ಠಿಗಳನ್ನ ಸೇರಿಸಿ. ಕನ್ನಡದ ಅಭಿವೃದ್ಧಿಯ ದೃಷ್ಟಿಯಿಂದ ಇದು ಅತ್ಯವಶ್ಯಕ.
Image
ಸಧ್ಯದ ಮಾಹಿತಿಯ ಪ್ರಕಾರ ಈ ಬಾರಿಯ ಕನ್ನಡ ಸಾಹಿತ್ಯ ಸಮ್ಮೇಳನದಲ್ಲಿ ಒಂದೇ ಒಂದು ತಾಂತ್ರಿಕ ಗೋಷ್ಟಿಯನ್ನ ಹಾಕಿಲ್ಲ. ಕನ್ನಡವೆಂದರೆ ಬರೀ ಹಳೆಗನ್ನಡ, ನಡುಗನ್ನಡ, ಆಧುನಿಕ ಕನ್ನಡ, ನವೋದಯ, ನವ್ಯ, ನವ್ಯೋತ್ತಗಳಷ್ಟೇನಾ? ನಿಮ್ಮ ಮೊಬೈಲುಗಳಲ್ಲಿ ಕನ್ನಡ ಸಾಹಿತ್ಯವನ್ನ ಓದಲಿಕ್ಕೆ, ಬರೆಯಲಿಕ್ಕೆ ಕನ್ನಡದ ಸಾಫ್ಟ್‌ವೇರುಗಳು, ಆಂಡ್ರಾಯ್ಡ್ App ಗಳು, ಕಂಪ್ಯೂಟರಿನಲ್ಲಿ, ಲ್ಯಾಪ್‌ಟಾಪಿನಲ್ಲಿ , ಟ್ಯಾಬ್ಲೆಟ್‌ನಲ್ಲಿ ಕನ್ನಡ ಬೇಡವಾ? ಕಂಪ್ಯೂಟರ್‌ನಲ್ಲಿ ಕನ್ನಡ ಬರೆಯುವ ಬಗ್ಗೆ ಜಾಗೃತಿ ಬೇಡವಾ? ಸ್ವತಃ ಕ.ಸಾ.ಪ ವೆಬ್ ಸೈಟೇ ಅಸ್ತಿತ್ವದಲ್ಲಿಲ್ಲ. http://www.kasapa.kar.nic.in/ ಯಾವುದೇ ಮಾಹಿತಿ ಇಲ್ಲ. ಕಂಪ್ಯೂಟರ್ ಯುಗದಲ್ಲಿರುವ ನಾವು ನಮ್ಮ ಭಾಷೆಗೆ ತಂತ್ರಜ್ಞಾನದ ನೆರವು ಪಡೆಯಬೇಕು.

ಕಸಾಪ ಅಧ್ಯಕ್ಷರಿಗೆ ಕೇಳಿದರೆ, ಈ ಬಾರಿ ಎಲ್ಲವೂ ಸಭೆಯಲ್ಲಿ ನಿರ್ಣಯಿಸಲಾಗಿದೆ ಸೇರಿಸಲಿಕ್ಕೆ ಸಾಧ್ಯವಿಲ್ಲ ಎಂದಿದ್ದಾರೆ. ಇನ್ನೂ ಬಹಳ ದಿನಗಳ ಸಮಯವಿದೆ. ಕನ್ನಡದ, ಕನ್ನಡಿಗರ ಶ್ರೇಯೋಭಿವೃದ್ಧಿಗಾಗಿ ಆಸಕ್ತಿವಹಿಸಬೇಕಾದ ಕ.ಸಾ.ಪ.ಗೇಕೆ ತಂತ್ರಾಂಶ, ತಂತ್ರಜ್ಞಾನದ ಬಗ್ಗೆ ಇಷ್ಟು ಅಸಡ್ಡೇ?

ಕನ್ನಡ ಸಾಹಿತ್ಯ ಪರಿಷತ್ತು ಅಧ್ಯಕ್ಷರಾದ ಪುಂಡಲೀಕ ಹಾಲಂಬಿಯವರಿಗೆ ಒಂದು ಸವಿನಯ ಮನವಿ. ಕನ್ನಡದ ಅಂತರ್ಜಾಲ ಪ್ರಪಂಚದಲ್ಲಿ ಸಕ್ರಿಯವಾಗಿರುವ ಸಾವಿರಾರು ಬ್ಲಾಗಿಗರು, ಕನ್ನಡ ವೆಬ್ ಡೆವಲಪರ್‌ಗಳು, ಓಪನ್ ಸೋರ್ಸ್ ಆಸಕ್ತರು, ಸಾಫ್ಟ್‌ವೇರ್ ಎಂಜಿನಿಯರುಗಳು, ಎಂಜಿನಿಯರಿಂಗ್ ಕಾಲೇಜಿನ ಪ್ರಾಧ್ಯಾಪಕರುಗಳು, ವಿದ್ಯಾರ್ಥಿಗಳನ್ನ ಸೇರಿಸುವ ಪ್ರಯತ್ನವಾಗಿ ಕೆಳಕಂಡ ಗೋಷ್ಟಿಗಳನ್ನ ಸೇರಿಸಿ. ಕನ್ನಡದ ತಾಂತ್ರಿಕ ಅಭಿವೃದ್ಧಿಯ ದೃಷ್ಟಿಯಿಂದ ಇದು ಅತ್ಯವಶ್ಯಕ.

೧. ಬ್ಲಾಗಿಗರ ಸಮ್ಮೇಳನ
೨. ಕನ್ನಡ ಡೆವಲಪರ್‌ಗಳ ಗೋಷ್ಠಿ
೩. ಕನ್ನಡ ಸಾಹಿತ್ಯ ಗಣಕೀಕರಣ
೪. ಅಂತರ್ಜಾಲ ಕನ್ನಡ ವಿಶ್ವಕೋಶಗಳು.
೫. ಇ-ಆಡಳಿತದಲ್ಲಿ ಕನ್ನಡ

ನಮ್ಮ ಒಕ್ಕೊರಲ ಮನವಿಯನ್ನ ನೀವು ಪರಿಗಣಿಸುತ್ತೀರಿ ಎಂಬ ವಿಶ್ವಾಸದಲ್ಲಿ ನಾವಿದ್ದೇವೆ.
ಬಿಜಾಪುರ ಕನ್ನಡ ಸಾಹಿತ್ಯ ಸಮ್ಮೇಳನದಲ್ಲಿ ಈ ಕನ್ನಡ ತಾಂತ್ರಿಕ ಗೋಷ್ಠಿಗಳನ್ನ ಸೇರಿಸಲು ನೀವೂ ಮನವಿ ಮಾಡಿ.   ಆನ್ ಲೈನ್ ಪಿಟಿಷನ್ ಗೆ ಸಹಿ ಹಾಕಿ.

http://goo.gl/lLj2M